Sinopse

A velada de Londres é a nova produción de ButacaZero, un espectáculo que recupera unha das obras máis recoñecidas de Manuel Lourenzo para ofrecer unha nova lectura contemporánea. Inspirada no primeiro capítulo de Drácula, de Bram Stoker, a peza mergúllanos na Inglaterra vitoriana para seguir a Jonathan Harker tras o seu regreso de Transilvania. A experiencia vivida xunto ao conde Drácula transforma a súa percepción da realidade e desencadea unha loita entre razón e instinto, realidade e desexo, amor e escuridade. A posta en escena combina interpretación, música en directo e unha coidada atmosfera visual para converter este clásico da dramaturxia galega nunha proposta de grande intensidade estética e emocional.

Artistas

ButacaZero

Ficha Técnica

Modalidade:

• Teatro Compañía: ButacaZero
• Título: A velada de Londres
• Texto: Manuel Lourenzo
• Dirección: Xavier Castiñeira
• Música en directo: Esperanza Mara (violoncello e voz)
• Público: Xuvenil e adulto