Sinopse

Crónicas dun NON! é un documental que recupera a historia do movemento de insubmisión en Galicia e da loita colectiva que contribuíu á desaparición do servizo militar obrigatorio no Estado español. A partir da experiencia persoal do seu director, Fernando Rodríguez Gómez “Peñaño”, e dos testemuños de persoas que participaron na mobilización, o filme percorre máis dunha década de desobediencia civil, compromiso social e defensa dos dereitos e das liberdades. Máis alá da memoria dun movemento, o documental propón unha reflexión sobre o valor da participación cidadá e a capacidade da acción colectiva para impulsar cambios sociais e políticos.

Ficha Técnica

• Formato: Proxección documental
• Título: Crónicas dun NON!
• Dirección: Fernando Rodríguez Gómez “Peñaño”
• Produtoras: Taller de Insomnios e Serea Films
• Duración: 70 minutos
• Versión orixinal: Galego
• Público: Xeral (especialmente recomendado para persoas interesadas na historia recente, os movementos sociais e a memoria democrática).