Sociedade Liceo de Noia

Patricia Suárez é graduada en Lengua Española y sus Literaturas pola Universidade de Oviedo, onde tamén se especializou en comunicación. Na mesma universidade cursou o Máster de Profesorado de Educación Secundaria e Formación Profesional.

Actualmente realiza a súa tese doutoral na Facultade de Filosofía e Letras sobre a recepción do Quixote na novela española contemporánea.

A súa traxectoria combina investigación académica, creación literaria, comunicación cultural e participación en proxectos escénicos e radiofónicos.

Formación

Ademais da súa formación universitaria, realizou estudos e cursos en diferentes ámbitos:

• Lingua asturiana
• Copywriting e neuromarketing
• Xornalismo narrativo (curso impartido por Leila Guerriero)
• Cursos sobre o Século de Ouro e metafísica na Universidade Autónoma de Madrid

Actividade académica e institucional

Participou como membro da comisión organizadora, moderadora e comunicadora no Congreso Internacional del Siglo de Oro (AISO), celebrado en Oviedo en 2023. Tamén é integrante da Asociación Internacional del Siglo de Oro.

É vicepresidenta cultural da SOPHVM (Sociedad de Filólogos para las Humanidades), onde participa na programación científico-académica, na divulgación filolóxica e na difusión do humanismo clásico.

Ademais exerce como responsable de relacións institucionais e como secretaria da revista académica Saturnalia.

Proxectos culturais e medios

Presenta o programa literario en lingua asturiana PlayPresta e participou no ciclo de poesía asturiana QED celebrado en Oviedo en 2023.

No ámbito radiofónico foi directora e locutora do programa El Escrito (2018–2020), dedicado á literatura e á música, e participou en tertulias culturais do programa La Buena Tarde da Radio del Principado de Asturias.

Actividade escénica

Na súa vertente interpretativa participou en diferentes proxectos escénicos e audiovisuais:
Lectura dramatizada de La doble vida de santa Teresa, de Paco Bezerra
Guionista e actriz no anuncio promocional de FITUR do concello de Mieres (2022)
Participación na obra escénica El poeta y la luna, xunto á Banda Sinfónica do Ateneo Musical de Mieres (2018)

Obra literaria

Publicou varios libros de poesía:

• Limerencia (2017)
• La flor cortada (2018)
• La genealogía de los espejos (2023)

Recentemente publicou Telémaco en la garganta, poemario gañador do XIII Concurso Literario da Universidade de Oviedo.

Tamén participou en diversas antoloxías poéticas, entre elas a do Círculo de Valdediós, así como na revista Anáfora (2023). Foi membro do xurado do premio literario Eugenio Carbajal e participou en recitais e encontros literarios como o acto do Premio Menina da Delegación do Goberno en Asturias.

Forma parte da plataforma Asturian Writers, dedicada á promoción de autores e autoras de Asturias.

O seu proxecto creativo máis recente consiste nunha reinterpretación poética do xénero baseada na obra El género en disputa, de Judith Butler.